一開instagram就有成2萬幾人follow你哋做唔做到呀？嗱，呢位來自台灣嘅88歲婆婆就做到呢！

話說，早前有位台灣網民就撞到隔籬屋個阿婆，然後阿婆就問佢可唔可以幫手影張相啦，一問之下，原來阿婆係想影相post上facebook呀！而呢位網民幫完婆婆影相之後都即刻抄咗阿婆牌，仲加埋阿婆個facebook?！佢話喎，呢位阿婆係佢咁耐以嚟抄牌抄過年紀最大嘅女女嚟呀。

而最近，呢位阿婆仲學識玩埋instagram，佢喺caption話：「偶不玩菲絲噗科了！昨天有人說年輕人都在玩哀居啦！阿捏哇馬咩來玩！」呢張咪就係佢第一張post上instagram嘅相囉。

阿婆除咗緊貼潮流，識得玩facebook同instagram之外，佢連著衫都一樣咁潮㗎！咩oversize、咩男友風，阿婆通通都carry到！唔止咁呀，佢仲連相機都玩埋?！

喂阿婆，你而家玩晒啦？毛毛唔使玩啦？所以話，老人家咪成日諗住啲蛇齋餅糉先得㗎！呢個世界除咗蛇齋餅糉之外，仲有好多好玩嘅嘢等住老友記發掘㗎嘛！好似呢位台灣婆婆咁活到老玩到老幾開心～

資料來源：moonlin0106／instagram

延伸閱讀：

阿婆日日睇攻略打PS4都不知幾精靈！

87歲婆婆都可以做動感系攝影大師

【史上最潮阿嫲】識玩FB自拍仲會落filter執相