動物就周街都有啦，但動物園就唔係個個地方都有喇，難得去到動物園，梗係要帶返少少紀念品返屋企啦！不過你知啦，園內買支汽水都已經十幾廿蚊，餵動物又要買飼料，再買個鎖匙扣仔又要幾廿蚊，計計下，呢份同可愛動物嘅難忘回憶原來都係用萬惡嘅金錢堆砌出嚟㗎咋！

嗱，遼寧大連森林動物園呢個大媽咪醒囉，經過駱駝區嘅時候，伸手出嚟抆一撮駱駝毛放入手袋，咁咪又慳錢又有紀念品囉。醒目女嚟嘅，毛毛睇好你呀！

動物園方面就話，駱駝而家處於脫毛期，身上有好多自然脫落嘅毛，只要輕輕一摸就可以掃晒出嚟。呢個大媽咁做，唔會對駱駝身體有影響嘅，大家可以放心！

都話㗎啦，啲駱駝咁多毛，抆幾條邊度覺㗎啫！而家又唔係成隻食咗去，咁驚訝做咩喎！嗯嗯！

封面圖片、資料來源連結：成都商報