每次有新嘢玩都係一次友誼嘅考驗，因為總會有啲好有愛嘅人會為身邊嘅Fd子度身訂造啲實派士畀佢哋 ，真係好令人滾動呀！

毛毛見大家咁有Fd子心，特登用呢排最hit嘅整Pattern Wallpaper App整咗幾款老友精選同大家開心share，睇啱啲咩，唔好同毛毛客氣，隨便攞去使，呢個round我嘅！

情深說話未曾講篇

係咪有啲說話唔好意思親口講出嚟呢？送幅圖畀Fd子傳達自己嘅心意咪得囉！

總有啲老友係你好想＿佢又唔好意思＿嘅，send呢幅Wallpaper畀佢咪啱晒囉～為咗＿佢而特登整張Wallpaper喎，佢一定好滾動啫～

係咪有人爭咗你錢好耐都唔還呢？喺人哋門口寫大字就的確唔太好嘅，咁咪喺電話度寫囉，仲要因為很重要，所以要重複多幾次?啵！睇到咁樣都應該識做喇啩？

唔係個個fd都咁衰嘅～如果你有啲毒L朋友，成日都好無自信，你咪用呢幅Wallpaper勉勵下佢，就算佢好似侵侵咁，連教宗都唔想同你拖手仔，你都可以自己鍚自己㗎嘛，55，要愛人，先要愛自己。

考你對Fd子了解篇
呢個時候就係測試你對朋友了解有幾深嘅時候喇！

如果你朋友對密集恐懼或者驚某種昆蟲，咁你作為老友嘅就梗係要幫佢克服恐懼啦！Send畀佢，再唔係拎埋佢部機幫佢set埋做Wallpaper，日對夜對，一定好快就唔驚啫～好似係。

再唔係，用啲Fd子最鍾意send十幾廿隻出嚟嘅貼圖嚟整Wallpaper，等佢自己領略下對住咁多個一樣咁煩膠嘅貼圖係咩滋味呀！

為咗朋友嘅健康著想，一定要減少佢用電腦電話嘅時間，一於set呢張錯覺圖做佢部機嘅Wallpaper，咁佢睇到頭暈眼花咪會放低部機唞下囉！

古乳有暈，萬里長城長又長，我倆友誼比它長。呢幅人形蜈蚣嘅原圖得3個人，點能夠表達到嗰份有sss齊齊食嘅精神呢？好似呢個Wallpaper咁就差唔多！話時話，望望下呢張Wallpaper，點解毛毛有種莫名嘅治癒感㗎呢下⋯⋯

出賣朋友篇

嚟到最後，平日收埋收埋咁多朋友嘅醜態相，今日終於有用武之地喇！不過為咗毛毛嘅人身安全，毛毛最後決定做咗三個星級示範畀大家參考下。

你可以由頭到尾整齊排列又得。

或者微調下個角度都得～

再唔係夾雜唔同大細，等佢個樣好似不斷咁從天而降咁又得，得咗！

睇完係咪啲靈感湧晒出嚟呢？心動不如行動，快啲整返幾張精選Wallpaper畀Fd子，測試下你哋有幾友誼永固啦！

封面圖片及資料來源：千庫網、iO Trendz／YouTube、赣州邦仕環境科技有限公司、dogethedog／twitter、Ringmaster's Realm、Ritsumeikan University、MV《雪下思》截圖、電視劇《富貴門》截圖、電視劇《叛逃》截圖