講起儲錢，可能大家都會心諗哪有錢儲，你老＿。但計毛毛話，其實儲錢呢家嘢就好死嘅，都係多有多儲，少有少儲㗎啫！假如大家真係覺得儲錢好難嘅話，咪試下諗啲方法幫幫自己囉～

好似早前日本呢個伸手錢箱系列咁，只要你擺個大餅上去，入面隻比叉燒（唔同款有唔同公仔啦）就會伸隻手仔出嚟拎走個大餅。嗱，隻比叉燒咁得意，大家自然就忍唔住要畀多幾個大餅過佢食啦！不過咁，再鋒利嘅刀都有生銹嘅一日，更何況係比叉燒呢⋯⋯

僕のピカチュウバンクは起動して5分で壊れた pic.twitter.com/G6mvstQsrF

— デコスケ (@decosukedon) 2017年5月28日

之前有網民個比叉燒伸手錢箱就疑似因為冇電，所以入面隻比叉燒就用咗足足成兩分幾鐘先拎到個大餅呀！唉，果然再快手嘅比叉燒都有冇電嘅一日⋯⋯btw，其實想要錢箱咋嘛？自己整又得啫！

登登登櫈，係EXO CHEN錢箱呀！

最近，有日本網民就自製咗一個錢箱，仲將偶像EXO嘅CHEN張相貼咗落個錢箱度，而入錢位就正正喺oppa隻手度呀！喂，而家oppa問你拎錢喎，你唔係唔畀呀？平時飛韓國睇演唱會都畀錢畀得咁爽手，而家濕濕碎啦～有咗呢個偶像錢箱之後實好快儲到錢⋯⋯然後再使返喺oppa身上㗎啫，係咪呀哈姆太郎？

貯金箱つくりました☺️ pic.twitter.com/1dKTD3WoVL

— スヤ (@ZYXmonpe) 2017年6月8日

資料來源：Shine、decosukedon／twitter、ZYXmonpe／twitter