成日話朋友就係喺你＿街嗰陣笑得最大聲然後扶起你嘅人，咁老友應該就係一開始整蠱你搞到你＿街仲要影低放上FB笑9你，之後先再扶起你嘅人。冇計啦，老友嘅嘢，賤嘅程度好多時同認識嘅年日成正比㗎⋯⋯

不過估唔到，外國有位仁兄為咗整蠱老友，連阿仔都畀佢擺埋上枱呀！點解呢位阿哥無啦啦會著到中古騎士咁㗎呢？是咁的，咁外國小朋友好多都會細細個受洗，仲會開Party慶祝?！於是早幾個禮拜網友同死黨飲嘢嗰陣，就話同死黨講想幫個仔搞個扮嘢受洗Party嘞。

網友仲要吹到似層層咁，咁佢死黨咪吹埋一份囉，又話揀咩人物最好，過咗一排死黨仲同網友講佢搵到套好啱feel嘅衫，要問網友借道具呀！網友以為佢吹水啫，點知⋯⋯

死黨真係著住呢套衫走入教堂睇網友個仔受洗呀！就算佢幾低調，佢都好似漆黑中嘅螢火蟲一樣咁鮮明同出眾，就連隔籬位女士都冇眼睇喇，你走啦，我唔想搞大件事呀。

於是佢就唯有走⋯⋯去食嘢啦，你睇佢個樣幾無奈先得㗎⋯⋯網友死黨你又唔使咁Sad嘅，其實都唔係好多人望住你啫，你唔講佢哋唔覺嘅～除咗你後面金髮嗰位朋友。

「你好嘢呀死仔包，下次開P你就知死！」

網友死黨冷靜啲，你睇真啲先啦，You are not a窿㗎！你見唔見後面有個小天使呀？你過去同佢一齊坐，扮係天使收嗰啲兵，咁咪神不知鬼不覺囉！

況且，Auntie都幾欣賞你嘅裝束吖，佢以為你係想搞啲餘興節目咋嘛！而網友唔止幫死黨影相紀錄成個過程，仲要放埋呢單嘢上網同大家開心share?，嗱嗱嗱，呢啲咪正宗好朋友囉～放心啦網友，好快就輪返到你㗎喇。

封面圖片及資料來源：Surgas／imgur