聽講一有啲咩天災要嚟，啲小動物就會有異常嘅表現⋯⋯所以啲災難片好多時都會加插啲大批小強搬屋呀，貓貓狗狗暴走嘅橋段嚟鋪排下災難前夕嘅感覺嘅。最近強國都有異象發生喎，唔通係有咩啟示？

嘩，成堆魚一齊跳，何其壯觀呀！仲要唔係魚仔，條條都係大魚嚟㗎啵～今晚有餸加喇，仲唔快啲9衝去捉？

連魚餌都可以慳返，全部都係自己跳上岸㗎！不過大家今次嘅反應就唔係瘋狂執魚，係淆晒底呀！因為佢哋都驚係咪就嚟地震，所以啲魚嘅反應先咁異常喎⋯⋯

官方就叫大家唔使驚！阿爺喺大廳！佢哋話唔係因為有地震，係因為附近有人搞歌唱比賽太大聲，所以嚇親啲魚啫。下，咁都叫理由呀？你唔好話啲魚係鯉魚王，所以跳晒出嚟～但係你係官，就講咩都啱嘅⋯⋯

不過要大聲到嚇到啲魚咁跳出嚟法，除咗今日生日嘅技安都冇咩邊個有咁嘅造詣喎⋯⋯

真相只得一個，有睇《表姐你好嘢》都知上面嘅同胞功力幾深厚㗎啦，唱歌可以唱到杯都爆埋喎，一定係台上啲參賽者內力太深厚，將啲魚震晒出嚟啫！55，一定係咁！

封面圖片及資料來源：中青網新聞中心／微博、動畫《叮噹》截圖、電影《表姐你好嘢》截圖