自從有咗化妝品之後，男人都唔可以再相信女人喇，後來有埋修圖App，就直頭連所有人類都唔可以相信喇！早排都同大家介紹過一位叫「kanahoooo」嘅P圖大神啦，蔗渣都可以畀佢執到燒鵝咁樣樣，最勁嘅係，雖然話就話P圖大神，但其實佢唔係用Photoshop執相，而係用人人都識用嘅美圖獸獸之類嚟執㗎咋！

睇得多佢嘅大作，執相方面嘅技藝都有返咁上下提升嘅，所以佢最近就出咗條題考考網民，睇下大家可唔可以將呢個圓碌碌大媽執做靚女喇！規矩就係唔准用Photoshop，一定要用手機App嚟執喇！好，Start Game！咇！！！

高材生參賽作品

啱啱合格參賽作品

負分參賽作品

​

睇過咁多大神嘅執相作品，竟然一啲技巧都學唔到，仲發晒爛渣打個格仔就算！？事實證明識得執相都係一門高深學問嚟，以後見到啲挨豬女神有執相痕跡就唔好踢爆人喇！

封面圖片、資料來源連結：kanahoooo／微博

回帶：【絕望真相】睇完呢堆PS前後對比照 叫我以後仲點相信人類喎！