喂喂喂，知你啦，唔好一講起吹氣Mary就心邪先得㗎！其實吹氣Mary唔止可以畀你攬攬，陪你做愛做的事嘅。

例如可以陪你傾計呀食飯呀咁囉，毒L冇朋友，佢咪做住你朋友先囉～即係好似啲小朋友會去邊都帶住熊啤啤咁咋嘛～而家啲日本吹氣公仔仲整到真過真人，分分鐘拖出街都冇人發現佢係偽女朋友。

仲可以用嚟畀你無限次任練急救。而家香港咁危險，隨時畀慈母用手臂嘅延伸輕撫或者請食胡椒豬肚，學定急救，無論救人定自救都好嘛。

話明係吹氣，梗係要埋嚟當水泡用啦！呢位叔叔就喺西貢親身示範咗點樣同心愛嘅人形水泡鴛鴦嬉水喇。睇見佢兩個水中暢泳樂逍遙，毛毛終於明白，愛，真係可以衝破一切界限㗎！