作為一個廢青，餐餐唔係杯麵就燒味飯是常識吧？電飯煲係就係易用，不過話明係廢青，唔想用咪唔想用囉～

嘩！搞咩個電飯煲底會溶鬼咗㗎？仲要溶到成個機芯都野外露出畀人睇晒喎！唔通佢主人天才到以為電飯煲要擺上電磁爐加熱所以搞成咁樣樣？

唔係呀唔係呀人哋邊有咁蠢豬呀！可能日本都有土地問題啦，個網民不嬲都將電飯煲擺喺電磁爐上面嘅，慳位呀嘛。點知有一日佢用另一邊爐頭煮嘢食嘅時候唔小心掂到個開關掣，咪煮熟咗個飯煲囉！Between咁都唔爆炸，應該唔係made in 某國家。

笑甚麼笑，其實香港一樣咁高質嘅master chef！早排有個男網民叫佢女朋友煲水，佢都係直接將個電熱水壺放喺煤氣爐上面用明火燒咋嘛！兩位要加油呀，不要放棄成為一個偉大廚神嘅理想！

封面圖片、資料來源：FCnH2n／twitter

睇埋：【叫天才女朋友煲水】 咪成個電熱水壺放落煤氣爐度燒囉做咩喎