話說，最近有位台灣網民就諗住煮雞蛋啦，點知一打開隻雞蛋就發現入面竟然仲有隻蛋喎！佢仲話佢咁大個人都係第一次見到蛋中蛋咋，真係嚇咗佢一跳，然後得啖笑……好，而家就等毛毛同大家一齊睇下呢隻蛋中蛋係點啦！

原來呢粒細到好似鵪鶉蛋咁嘅就係呢位網民所講嘅蛋中蛋，睇個樣成粒湯圓咁，又幾得意啵～話時話，點解無啦啦會有隻蛋中蛋出現㗎呢？唔通係隻雞基因有問題，定還是……這就是我們的白色珍珠呢？

唉，真係少見多怪！乜打開隻雞蛋入面又有隻蛋好出奇咩？平時食出奇蛋都係咁樣樣咋嘛，一打開隻朱古力蛋入面咪有隻橙色嘅橙囉，唔止咁呀，入面仲有埋玩具?！（哎吔…毛毛又唔覺意曝露咗自己年齡?，i mean舊版嗰隻出奇蛋……）

any肥，根據毛毛向google大神請教所得出嘅結論，之所以有蛋中蛋，係因為母雞喺生蛋嘅時候被嚇親，搞到成咗形嘅雞蛋縮返去輸卵管上面，到隻蛋再次向下移動嗰陣又重新被包上蛋白同蛋殼，咁咪形成蛋中蛋囉（應該係，除非唔係）。

資料來源：周俊斌／爆笑公社

睇埋：【打邊爐啱晒】嘩！木瓜入面呢三粒乜嘢嚟㗎？