成龍大哥作為一位國際巨星，經常講埋啲「中國人是要管的！」之類嘅金句，就梗係搞到自己臭名遠播，呀唔係，係舉世知名啦！於是有好多強國組識都鍾意搵佢做大使，更妙嘅係，佢做大使就同佢做代言一樣，問題天天都多！

93年成龍做咗「微笑行動中國基金會大使」，然後做咗一次無牌護士，入手術室幫手。原來，帶住帽同口罩都一樣可以畀人認出嚟㗎！

95年成龍做咗「香港旅遊大使」，而且係一個好得市民投訴嘅大使！

98年成龍做咗「董氏基金會國際拒菸大使」，呢個應該係佢唯一一次冇出事嘅代言。

06年成龍做咗「天使之翼行動大使」，帶住一眾木口木面嘅小朋友喺天安門唱國歌。

同年佢仲做咗聯合國兒童基金會親善大使同「零錢布施」活動大使，而且佢仲為呢個捐物資嘅行動拍咗條叫小朋友小心禽流感嘅片，真係好叻叻呀！

06年成龍做「亞太區旅遊大使」真係最稱職嘅一次，事關佢大力宣傳中國的會爆炸，所以要買日貨。

08年成龍唔洗問就緊係會做「北京奧運形象大使」啦，不過你問佢做咗啲咩？我就唔知喇，你問返佢本人啦！

09年成龍係「中國禁毒宣傳形象大使」，然後佢個仔打咗佢一巴......

13年成龍做咗「中國文化大使」，負責將中國文化推廣到國際。明顯，唔做嘢就係佢做得最好嘅一樣嘢！

15年成龍做咗「新加坡禁毒大使」，啪啪啪啪，呢四嘢唔係掌聲，而係佢個仔令佢畀人打咗好多巴！

哎呀，中國人果然是要管的，包括成龍自己。