物理題：波浪 + 河流 + 黎明 + 天空 = ？

答案：信念！一份不折不扣要成為明星嘅信念！

(∵Wave + River + Dawn + Sky = Faith)

今時今日，明星唔可以再咁短視只開拓香港市場，而要開拓國際市場，又點可以冇一個異國人容易理解嘅名字呢？走入K-Pop大時代，G龍、太陽亦以簡單、易明、容易翻譯之名堂打入潮流核心，所以！唔好再一味Aga~Pakho~J. Arie啦~一陣大韓民族問你點樣J點樣Arie，你點答呢？改名啦！今日送大禮，率先披露2015年春夏季度，未使用（但用咗必紅嘅）潛力明星名。

中國系——B-Dragon

點解唔係泡菜系？皆因全寫為Be Dragon，「成」為「龍」，由於中國的會爆炸，所以此名定必爆紅。

英雄系——Captain Americano

有態度，有風度，名字代表外型嗒得杯落。而作為美式咖啡隊長的粉絲，更能盡顯生活態度。

打工仔系——Holiday

專攻打工仔市場，人氣會於星期日晚或假期完結前夕節節上升，因為每位打工仔的口頭禪都是「Holiday，我真的很愛你」。

港女系——Macaron 5

馬卡龍五人女子組合，出得舞台入得廚房，尤其適合於春夏隆重推出市場，以美食之名為大地帶來美腿。

DSE系——MC Questions

走輕鬆嘻哈路線，Rap歌詞時無論正確、錯誤、抑或部分正確，均令考生為之瘋狂。真正身份無從判斷。

美男系——Wet's Life

花美男面孔，壯男身軀，逢到之處皆引起地下濕滑的小騷亂。

文學系——T-Gun

莘莘學子的另類偶像，曲風為明張目膽地唱出生活裡每個雞毛鴨蒜事，引起無數人共鳴。