毛孩朝朝搭小巴返工，就朝朝都聽到乘客們嘅媽媽畀司機問候。X！鬼叫你冇錢自己買架車咩？係難頂㗎喇，但都要頂㗎，以下呢幾個小巴司機嘅難頂行為，你又頂得順幾多個？

惡行實錄（上車篇）

罪狀一：無痕飛站

司機要飛站就好似娘要嫁人一樣，你係阻止唔到㗎。

罪狀二：秒速離站

每次你舉住隻手追車，佢都以為你係歡送緊佢離開。

罪狀三：組團埋站

等極冇車嘅時候，你就知道，陣間會有幾架一齊嚟。

惡行實錄（開車篇）

罪狀一：趕住報到

上車未坐定就開車，考你平衡能力。

罪狀二：收錢失憶

明明入咗錢都話你冇入，考你惡過佢度。

罪狀三：落閘踩油

落車未落完就開車，考你命硬程度。

惡行實錄（車廂篇）

罪狀一：Chok到冇氣唞

條路好似淨係得佢行，話Cut就cut話定就停，揸車Chok到你嘔！

罪狀二：流動音樂會

不斷以環迴立體聲音播放阿姐嘅華麗粵曲，務求搞返個流動音樂會。

罪狀三：極速傳說

唔理乘客嘅安全，郁啲就超速同行家鍊過！

惡行實錄（落車篇）

罪狀一：唔應機

嗌有落，見司機冇反應，再嗌，司機：「我唔L係聾㗎！」

罪狀二：選擇性耳聾

嗌完落車，畀晒反應，照過站，司機：「大聲啲啦X你！」

罪狀三：落車快槍手

落車不過行慢咗零點五秒咁多，司機：「咪L阻L住晒啦！」

當然啦，毛孩我都遇過啲勁有禮貌講「多謝晒！」、「落車小心啲！」嘅司機大哥，但就唔係成日遇到囉！反而以上嘅燥底司機就見得多，遇到佢哋嗰陣真係躁過你阿媽冇M到（或者阿爸M到）㗎！