香港有個展能節，即係殘疾人士技能運動會，今年就派出一班殘疾嘅精英，去到法國參加國際展能節，代表香港比賽或者表演。坐輪椅嘅Philip同Olivia就會表演輪椅舞，仲有同行嘅瑞燕，就用佢幾十年嘅車衣技能去參賽，佢哋話，雖然身體有缺陷，有人仲曾經諗過死，但係藝術同終身事業，唔單只救番佢哋，仲令佢哋搵番人生嘅意義，好似發現咗另一片天咁樣！

上星期，我哋去咗深水埗，探嗰啲喺街度靠雙手自力更生嘅公公婆婆，今次，我哋就嚟到一間叫「銀杏館」嘅社企餐廳，原來，佢哋係專係聘請啲60歲以上嘅「老友」做嘢架！就好似73歲但如花似玉嘅玉姐，同年過65嘅銀髮band友Raymond，都喺度開展緊佢哋嘅第二人生！佢哋仲不約而同咁話，人生其實係簡單同美好嘅，千祈唔好咁輕易放棄！

大約5年前，被稱為「反地產霸權攝影師」嘅Benson，開始喺facebook發起「平等分享行動」，召集市民向露宿者或者老人家派物資。就喺上星期六，Benson又再召集咗百幾名新嘅「戰友」，喺深水埗將愛分享俾一眾街上面嘅叔叔婆婆！原來，成個行動背後，係源自Benson眼見呢個社會咁不公義對待老人家嘅一份憤怒！佢仲一直身體力行，利用網絡去召喚大家，對被政府欺凌嘅一眾老弱人士，伸出援手……

最近有部叫《丹麥女孩》嘅電影上映，故事改編自全球首位進行變性手術變性人Lili嘅真人真事。而喺香港，就有同樣咁勇敢去做自己嘅Joanne，喺7年前進行咗男變女嘅手術，之後，仲瞓身為跨性別人士同同志爭取權益，最近仲甚至加入政黨，希望帶嚟更多嘅改變！不過，回望番曾經因為男性性器官而每分鐘都有罪疚感嘅前半生，佢依然忍唔住……

啱啱嘅情人節，唔少人去咗政總影花，但亦都有人情願欣賞番真嘅玫瑰。喺13號中午，就有位Joe Li，喺facebook叫大家不如幫襯吳松街嘅小花店，話花店婆婆靠賣花養自己，仲講足廿句多謝！跟住嗰晚，鄭秀文就喺官方專頁度share咗帖文，結果，啱啱嘅2月14號，網絡就成就咗70歲花店黃婆婆一生最開心豐盛嘅一日！婆婆話，佢要多謝阿Joe同Sammi呀！

上星期，有隻領養貓Lingling走失，被愛護動物協會捉走之後，愛協竟拒絕事主何小姐領養番小貓的要求，更私下「人道毀滅」殺死Lingling！事件引爆本地「真係愛護動物」的人的關注，大家發起圍堵SPCA，為死者討回公道。其實，愛協仲有漁護署等，一直以來都用各種藉口，在有人願意領養情況底下，殘忍殺害流浪動物，令人髮指⋯⋯

原來導盲犬BB幾個月大來港後，就會安排寄養，大約一年後就會離開。雖然義務成就一隻導盲犬的誕生，本身就是最好的事，但人非草木，一年前，以為自己可以拒絕去愛錫狗仔Charlie的寄養家庭Valerie同Andrew，面對分離在即，根本冇辦法放手，仲話寄望他日可在Charlie退休後一家重聚！

一首《補充練習無間做》唱出好多小朋友心聲，但共鳴背後，大家又是否開始覺醒，被家長催逼的學生究竟有幾痛苦？本身是中學教師的《90後教師決戰怪獸家長》作者戴Sir，便第一身替我們講解怪獸家長同繁忙學生是怎樣的，但原來說下去，其實所謂怪獸家長、繁忙學生，甚至夾在中間的香港教師，根本都是香港扭曲教育政策的犧牲品！

在傳統紙媒備受衝擊情況下，點解馬報仲可以生存？有35年歷史《職業馬報》的總編輯關家俊同創報的父親關老先生，兩仔爺就帶領報紙由本地賽馬殖民時代黃金盛世，到今日要轉型同網絡時代接軌，背後就是全靠熱情同堅持。

剛剛倒數，你去了哪裡？小B就在大型嘉年華入面倒數show扮鬼扮馬、被人綁上靶扔標，將歡樂帶給現場大小朋友！小B天生並非太歡樂，因他只得1.32米高的先天身形，令他走過崎嶇的路，但又因為這萬中無一的身材，小B才找到今日可說是千錘百鍊、𠱁人開心又助己的男孩樂天性格。