唔好睇陳伯就嚟80歲啊
其實而家佢仲好好學
賣毛冷之餘仲不斷睇書學織新花教班街坊
實行做到老學到老
唔怪得織開嘢嘅姐姐都話
陳伯係堅叻㗎！

唔知幾時開始，
香港地愈嚟愈多人講普通話、寫殘體字，
但明明正體字同廣東話，
先係我哋嘅特色同母語㗎嘛。

所以喺香港長大嘅多媒體設計師Kit Man，
用咗2年時間創作咗一款包含6000個正體字嘅「勁揪體」字體，
透過作品話畀所有人知，
香港人應該係講咩話、寫咩字。

拔萃書院，一支力爭學界籃球6連霸嘅王者；
寶覺中學，一支同拔萃打過7次就輸足7次嘅球隊；

後者，場場波都畀人睇低一線，但佢哋偏偏唔認輸，
仲話好想贏拔萃一次。
就喺上個月九龍區學界籃球D1決賽，
佢哋真係擊敗咗「高牆」拔萃，
以1分之差粉碎對方6連霸美夢，首次學界稱王。

終於初嘗勝感嘅寶覺隊長阿峰同阿南話，
佢哋中學生涯最光輝嘅時刻，
就係而家啊！

超級英雄吖嘛，梗係威啦！可以擒高擒低幫助弱小，仲睇得又打得～嘩你睇，原來蜘蛛俠唔止會喺睇戲嗰陣見到，連香港都有㗎！呢位仁兄叫HKspidey，佢唔係超級英雄，佢只係扮超級英雄。不過，佢已經扮咗兩年，為嘅⋯⋯只係香港地咁多位大朋友同小朋友嘅笑容，仲為大家留低咗好多珍貴嘅回憶㖭！

你哋有冇聽過有班人叫「廁所品評師」呀？
佢哋會「視察」全港九新界大大小小廁所嘅衛生程度，
仲會記錄埋用後感，
用「品評」角度話畀大家知，
香港邊到有高質嘅公廁用呀！

喺香港，有人嫌棄港產片連睇都唔睇；亦有人鍾意到狂睇狂煲，
好似Alex同Bunny兩位電影癡，鍾意到開咗間以港產片做主題嘅碟舖，
叫人睇多啲港產片。
其實諗深一層，港產片對我哋嚟講，到底係啲咩呢？

呢個剛柔並重嘅女仔，莫宛螢，喺今年8月代表香港出戰亞運會嘅武術項目。
第一次站喺呢個亞洲舞台嘅佢，唔單止冇嚇到腳震震，
仲奪得女子太極拳、太極劍全能嘅銀牌。
望住呢張成績表，雖然佢話都幾滿意，
但其實仲未夠㗎，踏上更大嘅世界舞台先係佢嘅終極目標。

嘩，你講到咁把炮？係真唔係呀！哦，梁醫師下話～久仰大名，久仰大名！我之前經過你舖頭都見過下你門口條尾龍骨㗎喇，仲喺門口拎過你張卡片～唔攞就笨吖嘛！不過你...望落都係似收藏家多過似跌打師傅喎。跌打2.0，得唔得㗎？