上星期，特首喺發表施政報告嘅時候提出佢本屆嘅重點項目——「明日大嶼」，計劃喺交椅洲同喜靈洲附近分階段填海，預計斥資一萬億，去建造一個面積約1700公頃，即係三分一個九龍咁大嘅人工島，仲話落成後可以容納70萬至110萬人居住。政府以為咁就可以解決土地同房屋問題，但其實，呢個計劃係大智定大愚呢？

你哋咪畀豪哥嚇親，惡屎能登只係佢嘅掩飾嚟，其實佢個心不知幾錫啲狗狗呀，你睇你睇，佢哋玩到幾Happy～

豪哥唔止對自己啲仔仔女女好，就連人哋嘅毛孩都緊張埋一份。佢知道喺香港帶寵物上車一啲都唔易，所以只要大家仔女有咩頭暈身㷫，即管Call佢啦，豪哥話佢會盡最大努力載每一隻毛孩去睇醫生，絕無任何附加費，仲會將所有車費捐畀動物慈善團體㗎！

明明中學嘅回憶應該係喺學校，但彥兒偏偏留咗喺病房度過，
經歷咗兩次癌症，而家肺功能得返一、兩成嘅佢，
已經唔會奢求奇蹟再次出現，反而更加用力去呼吸，過好每一日，希望喺餘下嘅日子整多啲襪子娃娃，透過佢哋將快樂嘅回憶帶畀更多人。

呢個講到自己咁灑脫嘅兄弟，叫巨人，屬性：不詳，
佢嘅大絕就係堅持，無論贏定輸都認真打好每一場
Ummm⋯⋯不如都係唔好講咁多啦好冇？開波喇喂！

今次呢個山竹除咗畀我哋見到香港人無論條路有幾難行都要去返工嘅決心之外，仲有大家最窩心、最齊心嘅一面。
好多人都自發喺自己嘅社區努力，有啲幫手清垃圾，有啲就義載，幫得幾多得幾多。

呢個風係大，但又點會吹得散我哋呢？！

阿篤姐呀，我知有個牌子嘅潤膚霜好潤㗎，仲可以減少泛紅𠻹㗎。
不如我下次拎啲Sample畀你吖，搽完就靚靚㗎喇～
吖係喎，醒唔起濕疹唔可以立亂用護膚品𠻹⋯⋯
咁你平時出街搽咩㗎？

啲港女話有樓先有高潮。唓～

計我話，搵到個有網嘅籃球框，射得中，先叫做高潮～

呢個傻佬叫夕Sir，佢就係因為咁，決定走勻全港嘅屋邨，誓要幫所有嘅籃球架掛返個籃球網！

都2018年啦，講「死」仲點解要咁驚啊？
不如好好咁認識死亡
殺到埋身嘅時候，都知道應該要點面對啊嘛！

呢個咁鍾意貓嘅女仔叫做Daisy，佢喺幾年前，無意間認識咗貓愛滋呢個病。
本身聽到都驚驚哋㗎，不過佢話無論點都好，都唔會放棄佢哋㗎！仲話會用無限嘅愛去照顧，令佢哋健康快樂咁成長～

好多女仔，都視減肥為終身事業，但你有冇諗過，減肥係會減到上癮，仲有機會會減到患上厭食症，即使望住心愛嘅嘢食，都幾乎冇晒動力放入口，到時候你...仲會唔會開心呀？

呢5年嚟，琪琪每日一起身做嘅第一件事就係上磅，無論幾餓都好，都要呃自己話好飽，體重愈輕，佢就愈開心。最後，佢發現自己瘦到得返棚骨，當佢問自己為咩咁辛苦嘅時候，佢竟然答唔到自己。

而家嘅佢，只係希望可以有勇氣食到以前鍾意嘅嘢食，有勇氣面對可以見證住佢體重升返到正常嘅磅....