好多女仔，都視減肥為終身事業，但你有冇諗過，減肥係會減到上癮，仲有機會會減到患上厭食症，即使望住心愛嘅嘢食，都幾乎冇晒動力放入口，到時候你...仲會唔會開心呀？

呢5年嚟，琪琪每日一起身做嘅第一件事就係上磅，無論幾餓都好，都要呃自己話好飽，體重愈輕，佢就愈開心。最後，佢發現自己瘦到得返棚骨，當佢問自己為咩咁辛苦嘅時候，佢竟然答唔到自己。

而家嘅佢，只係希望可以有勇氣食到以前鍾意嘅嘢食，有勇氣面對可以見證住佢體重升返到正常嘅磅....