Google話嚟緊會整個叫Im2Calories嘅食神app，一影就會知你面前嗰碟嘢有幾肥㗎啦！（咦咁咪即刻冇晒胃口囉？）呢個app啱晒啲相機食先嘅香港人呀。但係個app係美國佬整㗎喎，唔知認唔認得乾炒牛河同西多之類呢？

不過講真，就算知佢幾多卡路里你都會照食㗎啦，唔通叫咗唔食咁大嘥咩？

咁好似話個app嘅原理就係用唔知乜嘢pattern recognition之類嘅科技，再唔知點分析完，就會知啲嘢食嘅卡路里㗎喇，毛毛讀書少唔係好明點解，淨係好想知拎嚟自拍嘅話我個樣會有幾多卡路里呢？

資料來源：每日郵報