之前參加過「光復元朗」活動嘅女示威者被判「以胸襲警」罪成，令香港無論有冇戴開胸圍嘅人都非常嬲豬，但原來唔止香港人關注，連外國人都好留意呢單史無前例嘅奇新聞㗎。

香港女人個胸竟然唔係尤物係胸器喎，咁出奇，當然引嚟唔少外國傳媒報道「以胸襲警」罪成同上星期嘅戴胸圍遊行啦。

早幾日，美國Talk Show《Conan》都有講到以胸襲警呀！主持人一講到“In hong kong, a woman was sent to prison for assaulting a police officer with her breast.”已經即刻全場爆笑。毛毛英文麻麻地，見佢冇咩動作表情啲人都爆笑，我諗佢講嗰句一定係天大嘅笑話！

主持個拍檔就話以胸襲警是咪功夫嚟㗎，主持就即場扮用手拎住個胸好似玩雙節棍咁揈揈下，串到JING CHA一棟都冇！多謝JING CHA再一次令香港揚威海外，keep住上7爆國際流行榜！

資料來源：TIME、Independent.co.uk、CONAN on TBS Youtube