柏豪BB最近拍咗個M巾廣告，成為劃時代跨性別嘅M巾男神，毛毛豬我真係好鍾意好鍾意呀（心心眼），望住張poster，我諗起棉花糖呀呀呀！拿拿聲捉埋隻毛孩陪毛毛豬去食棉花糖雪糕先。

呢間舖有好多特色嘅雪糕，不過毛毛豬鍾情棉花糖嘛，於是叫咗「森之樹林」，盛惠$38，都唔算好貴啫（毛孩：都唔係你俾錢......嗚呀！）。雪糕上面大大舊棉花糖，成件事好Fancy好夢幻！至於雪糕就係抹茶味，仲可以揀宇治或者特濃。毛毛豬揀咗宇治都已經好濃味，重口味或者抹茶控嘅可以試下特濃㗎！

各位單身嘅朋友仔都唔使擔心！毛毛豬幫你諗埋啦！去到買杯雪糕，再扮柏豪BB咁揸住影張相，up上FB同IG，班囡囡仲唔即刻叫你帶佢去食咩！（不過都係嗰句，首先你要有女仔Fd子……）你睇呢隻毛孩~（嗱，唔是我迫佢影㗎。）

有柏豪BB睇住毛毛豬，以後就算血流成河都可以食雪糕嚕。

餐廳資料：
Tokyo Secret
地址：尖沙咀加連威老道52號C地下（利時廣場對面）
電話：6737 2431