毛毛豬對於西係好有要求，所以成日都會去搵唔同嘅特式西食。今次呢個西，竟然有沙嗲牛喺裡面！

毛毛豬開頭都淆，又鹹又甜會唔會中伏㗎！點知原來呢兩種味道係估唔到咁夾。個西多唔使加糖漿已經夠晒甜，但係配埋沙嗲牛就會甜中帶鹹，好過癮。不過毛毛豬覺得如果啲牛肉可以再大舊啲就正啦！一次過滿足晒我想食甜品同肉嘅慾望。

飲品方面都好特別。平時啲紅豆冰多數用椰汁，但呢度係用奶茶嘅。不過啲紅豆太甜啦，咁我會好易肥㗎嘛！個西多仲肥？我都知，但毛毛豬真係好想食吖嘛⋯⋯

而且你唔好以為街市價錢會好平民，件西多同杯紅豆冰加埋都要成40幾蚊港紙，唔平㗎！所以如果各位姐妹真係想食，記住叫埋自己啲兵一齊去。原因你懂的。^_^

餐廳資料：

樂園

地址：九龍城市政大廈3樓6號舖

電話：2382 3367

營業時間：星期一至五: 07:30-16:00 、星期六及公眾假期: 07:30-14:30、 星期日休息