有網民喺強國最受歡迎嘅拍片App發起小學生化妝大賽，全國小學雞都話要參加！等毛毛幫大家睇過先，咦，又真係好高質喎！睇佢哋嘅五官，本身已經屬於范冰冰級數，應該點化都靚......而佢哋個妝都非常有創意，左上角嗰個直頭融合咗國寶嘅元素?！

不過小學雞化妝已經係Old news，日本嘅小學雞一早就識啦......睇吓日本啲雞仔，I mean小學雞，啲妝又浮誇，啲Pose又造作，一啲童真都冇！

所以話，遲同早、快定慢唔係問題，強國係冇嘢可以輸，冇聽過咩叫後來居上咩？毛毛留名等睇強國向韓國挑機，搞返個小學雞整容世錦賽！講明先，蛇精男唔好扮小學雞，毛毛唔想睇你呀！

來源：美拍、アルファルファモザイク