都話香港土地問題嚴重㗎啦，唔單止人上唔到樓，連啲車想搵個位泊吓都難。到終於搵到個位喇，又畀人用巨石陣封印住！

其實泊喺地盤工地度，阻住班地盤大哥做嘢又真係唔係咁好嘅！而且有網友話，呢個位於安達臣道嘅地盤一早已經出咗信話條路唔畀泊車㗎喇！而家剩係用巨石陣，唔用紅毛泥封印大法，算係咁啦！

雖然香港土地問題可能要等到創科局成立先解決到（係可能咋），不過只要肯突破盲腸，泊車都可以有好多空間嘅！ 

好似呢位阿生咁，將架車打側嚟泊，咪得咗囉，慳咗出嚟嘅位，隔籬泊多幾架都仲得呀叻仔！

資料來源：香港突發事故報料區

延伸閱讀：最強泊車慳位大法