住喺中國香港真係好，冇工返可以拎綜援，冇樓住又可以申請公屋......雖然要等返10年8年，但都好過冇！眾所9知，綜援以前係要喺香港住夠7年先拎得，但喺2013年尾嗰陣，有5位終審法院嘅法官一致裁定，話住夠7年先可以申請綜援係違憲喎，最後咪改咗住夠1年就得囉～

睇返個表，2004年到2013年之間，新移民拎綜援嘅人數係一路跌緊嘅，仲跌得幾多吓?！不過2013年綜援改咗制之後，2014年嘅數字又升返喇，仲升咗成46%?！有好多本嚟都好窮好慘但又住得未夠耐嘅新香港人，終於都被正苦正視，得到照顧喇！

呢個升幅數字真係令人好滾動，即係話正苦可以幫到嘅同胞又愈嚟愈多喇～不過咁都係唔夠，綜援得嗰雞碎咁多，夠睇戲都唔夠去旅行啦，一係唔做，一做就做全套！毛毛建議正苦可以提供埋呢幾個援助，咁就爽皮鳥～

普天同慶新年利是匯率差價安慰金

好多同胞都感嘆，嚟咗香港之後，因為港紙同人民幣嘅匯率唔同，所以逗利是都打個八折，咁陰公豬梗係要安慰吓啦，佢哋嚟振興香港經濟，冇奶油要佢哋倒蝕嘅～ 

衣錦還鄉探親津貼

同胞們離開自己嘅親朋戚友，忍痛嚟到香港落地生根，返鄉下探親總唔可以着得太寒酸㗎嘛......陣間人哋以為香港正苦刻薄班同胞就唔好啦！

萬壽無疆Happy Birthday To Me生日獎勵

落咗嚟香港冇耐，朋友都未識到幾個，雖然毒L一個更開心，但生日都要慶祝吓嘅，買蛋糕買禮物畀自己唔使錢呀？

四通八達水貨四散交通津貼

你哋有所不知，雖然水貨客可以用地鐵運貨，但面對住地鐵年年齋加唔減嘅機制，負擔已經愈嚟愈重，生活真係苦過dee dee㗎！正苦係咁易大發慈悲派吓糖都好吖，可？

來源：社會福利署、香港統計月刊（2015年9月）