全城瘋狂炒（燶）iPhone嘅時候，居然有間舖頭大發慈悲，暫停部分對外服務，畀全公司上下專心一致咁去買iPhone。

呢間公司啲員工福利好好呀！我葡萄！不過，畀你買到又點吖？賺得嗰幾十蚊。之但係，你估人人都買嚟炒咩？有唔少真心果迷真心想買玫瑰金嚟自用㗎嘛，但如果買唔到呢，都唔使咁灰嘅，蘋果其實仲有好多其他副產品，可以買住嚟頂檔先，一樣咁潮！

唔要iPad，要返個iPack都唔錯吖，反正過多幾代之後，個iPad都係咁大部㗎啦（應該係）。

再唔係剪返個iHead頭，都幾型吖，去到邊都有蘋果跟身，仲唔係潮流嘅象徵？潮過強國插住支草喺個頭度啦。

呢個法國有機蘋果都可以諗下喎，點解冇咗蘋果個icon？哎呀，話明有機嘛！買唔到，咪頂住先囉，呢個蘋果都唔平㗎。