最近大台真係諸事不順！先有關菊英、陳國邦、羅天池呢啲大台藝員唔撈，噚日連黃凱芹都喺微博出咗篇長文鬧爆TBB呀！

是咁的，黃凱芹出咗隻新碟，咁上大台宣傳下都好正常吖！但當佢見到《 Star Talk 》節目嘅訪問問題，就即刻被撻著鳥，仲話要辭演呢個節目?呀！

啲問題真係好有內涵，好有質素呀！套用俄國戲劇理論大師史坦尼斯拉夫斯基嘅理論，由外到內（再到返外）嘛，咁先由外表入手都好正常嘅。不過唔知問人咁多年個樣都冇變同埋覺唔覺自己個樣好似喬寶寶同出碟有咩關係呢？唔通真係Your face, your fate？不過大台問得，就肯肯定有佢嘅道理！我哋識條鐵咩！

大台娛樂新聞主播張景涵見到阿Chris嘅長文之後，就以文還文，好有心機咁寫返篇長文去回覆返！好有大台風範呀！

佢又講得啱喎！喬寶寶咁受大台觀眾歡迎，話你似佢，其實咪即係讚緊你囉！而且睇返全部問題，26條問題入面都係得５條係咁問啫，其他問題都有問返音樂呀出碟呀，是咪同某某人不和呀咁。咁樣諗，會唔會開心返啲呀？

封面圖片來源：黃凱芹

資料來源：黃凱芹微博、張景涵微博