日本妹，毛毛細細個就聽過佢哋個名啦！不過有得睇，冇得食⋯⋯我意思係識唔到佢哋，冇得同佢哋一齊食飯啫！有日本創意遊戲公司可能聽到我哋班毒L嘅哀號，發明咗個模擬彈日本妹額頭嘅遊戲，拉近我哋嘅距離（好似係）。

玩法好簡單，打開個網就會見到有個好卡娃依嘅日本妹望住你，之後用滑鼠點一下佢個額頭，佢就會好似畀你彈中個額頭咁，露出一副痛苦嘅表情㗎喇！睇到毛毛好爽呀！如果個遊戲可以加埋「二姑」呢啲聲效就好喇，加強視聽娛樂效果吖嘛！

個遊戲仲有得畀你揀唔同類型嘅日本妹?！長中短頭髮都有齊晒，總有一個啱你心水。

巴打們，唔使怕畀人拒絕喇！毛毛仲聽講遲啲隻game會開發成手機app?呀！唔知會唔會可以有埋4D體感技術呢？冇得摸真人，彈個偽㗎妹都好吖。嗱link就係下面，唔阻大家「左青龍、右滑鼠」喇，係咁！

封面圖片來源： HI inc.

資料來源： HI inc.