習總今次去英國嘅塞錢之旅就快去到尾聲，今日英國又畀嘢佢嘆，竟然喺佢面前講佢最驟忌嗰範，叫佢畀香港真普選呀！兜巴兜巴車埋去咁，阿習總你頂唔頂得住呀？
一年前嘅今日，一班好傻好天真嘅廢青喺獅子山上面掛咗呢條布，好熱血咁記住英國同強國畀過香港人嘅承諾。

一年後嘅今日，就等到習總親身去到英國嘅時刻，英國喺全世界面前叫習總咪老點香港人，還香港真普選呀！

卡梅倫兜口兜口面同習總講咩係真普選，唔係有票投下就係，哇習總前面真普選都講得出，真係唔驚佢拍檯抬頭走。佢仲講返中英聯合聲明，英中兩國都鄭重咁向香港人承諾維護我哋嘅權利和自由，英方嘅承諾唔會動搖咁話，原來佢仲記得呢個山盟海誓，睇到毛毛都眼濕濕。

相信習總今次行程都見到好多未見過嘅嘢，唔係馬車唔係大笨鐘，係用錢都收買唔到嘅氣節呀，未見過呀呢習總？

來源：the guardian