知唔知而家強國最牛B嘅手信係咩？咪係習大大夫人嘅專輯囉！習大大今次訪英之旅都係送呢份禮物畀英女皇咋！毛毛收到風，上面已經買到斷晒市（好似係），我都唔執輸喇，嗱嗱聲上淘寶睇下先！

淘寶果然是萬能呀！連習大大送畀英國呢啲國家級禮物都有得買！國母隻專輯最貴都係200幾蚊，最平嗰隻仲要唔使10蚊雞就買得到喇，嗯！真係好珍貴呀！等毛毛都買返幾隻看門口，遲啲聖誕呀新年呀拜山呀用嚟送畀人吖嘛。

咁唔知英國送畀習大大嘅莎士比亞十四行詩全集，淘寶又有冇得買呢？

又有喎！雖然英國送嗰套應該係古董嚟，但馬雲講過：淘寶冇假貨㗎嘛！反正我就信了。Btw，唔知淘寶幾時會推出埋習大大夫人嘅勁浮粉粉底呢？

封面圖片來源：淘寶

資料來源：習大大夫人專輯淘寶link、莎士比亞十四行詩全集淘寶link