噚日蘇施黃喺fb些牙咗幾張相，話有隻草蜢單腳倒吊咗喺佢架車個倒後鏡度喎......一般人見到可能會彈走佢，又或者照開車，話之佢死......但蘇施黃就因為驚隻草蜢會跌落街，所以一路揸車都慢駛，真係好有愛心呀！最後隻草蜢仲平平安安咁跟到蘇施黃返電台?～

唔止呀，隻草蜢仲一路跟住佢返到屋企?！呢隻草蜢竟然排除萬難、歷盡艱辛都要跟蘇施黃返屋企......呢啲咪叫做愛囉！係大愛呀！

本來呢個都係一個可歌可泣嘅故事嚟嘅～但蘇施黃po完相之後，就有大批網民話嗰隻笨唔係草蜢，係螳螂！！！咦，係喎，草蜢咁嘅樣㗎咩？草蜢應該係咁先啱㗎嘛！

可能蘇施黃都係草蜢嘅忠實Fans，所以幫隻螳螂改咗個花名，做草蜢啫......er......又或者蘇施黃太鍾意睇王日日日嘅戲，一時唔小心記錯咗螳螂係咁嘅樣呢～

btw，頭先蘇施黃就繼續喺fb更新佢同小草蜢嘅故事，原來小草蜢已經唔見咗嚕......喂，咪住先，典解小草蜢又變返做螳螂先生嘅？媽呀，好亂呀！

封面圖片來源：蘇施黃

資料來源：蘇施黃、搜狗百科