通常昆蟲動物都對自然災害敏感過人類好多嘅，噚晚台灣東部海域對開發生黎克特制5.4級地震，有幾位網民都影到啲蚯蚓走晒出嚟呀！有圖有真相，不過密集恐懼嘅話，就深呼吸一下先碌落去喇！

新北市嘅網民就影到成條單車路都畀蚯蚓佔領晒！

而屏東嘅網民都影到，一地都係長長嘅蚯蚓…… 嘩妖，就咁睇仲以為係樹根呀！好核突呀！

大家睇到咁壯觀嘅情景，都好擔心係大地震嘅先兆，有位細心嘅網民就貼咗個溫馨提示出嚟教大家如果真係發生地震應該點做～香港就好好彩冇地震呀，不過如果你有台灣朋友或者識人而家喺台灣玩緊，都不妨些牙畀佢睇睇呀～

封面圖片來源：林宗煜/爆料公社

資料來源：爆料公社