前幾日大阪地鐵慶祝開通50周年，有員工專登收集咗超過15萬張嘅飛尾，整咗幅畫送畀公司呀！

咁有心，仲要整得咁靚，唔怪之得張相咁快就喺網上瘋傳喇！間公司都好多謝呢個員工，特登張幅畫貼咗喺西梅田駅，隔離仲話埋你知點整?！

日本嘅地鐵係會喺啲車飛度釘一個好細嘅窿仔嘅。呢個員工就係收集呢啲一個又一個嘅窿仔，再跟返顏色黐落張紙度，咁就搞掂喇！

不過你就要有心理準備要黐足300個小時囉。整呢幅畫嘅員工都喺twitter話，唔想再做第二次呀！毛毛都好想整幅呢啲畫嚟送界腦細㗎，不過300個鐘，即係12日多啲，大學學位都差唔多讀到啦(好似係)！所以都係唔好晒時間喇，冇事嘅話我出返去做嘢先喇腦細。

封面圖片及資料來源：Ta9mi9/twitter