好打耳呀！最近有網民喺九龍城見到個疑似新路牌呀！

路牌上面有個人仔拎住個網，好似想跳起野生捕獲條彩虹咁，下面仲寫住「捕捉彩虹」同「83米」，唔通行前啲就可以見到彩虹？！咁都好喎，寫明行幾遠就到，咁咪唔使好似毛毛早幾晚睇雙子座流星雨咁得個吉囉～

咦，乜正苦會整啲咁靚嘅路牌㗎咩？原來唔係真‧路牌嚟㗎傻豬，係街頭藝術品嚟㗎！呢件藝術家謝斐嘅作品，講緊一個人企喺83米高嘅頂樓捕捉彩虹，諷刺起到高一高嘅牙籤樓破壞九龍城獨特嘅風景。 仲有呢個路牌，畫咗個人畀UFO吸走，寓意樓宇高度高不可攀呀！幾有深度呀！

其實只要細心睇下，香港係有好多街頭藝術㗎～唔好成日掛住做低頭族玩電話，多啲周圍望下啦～

封面圖片來源：Victoria Catherine‎/小心駕駛(討論別人駕駛態度)

資料來源：小心駕駛(討論別人駕駛態度)、明報、space-invaders、La Belle Epoque