學毛毛媽話齋，想身體好除咗要做多啲運動之外，就梗係要食多啲生果啦～而前日強國陝西就有個auntie，去咗棗園蘇農貿市場度買桔，點知返到屋企諗住食嗰陣就發現啲桔有啲黐立立，咁咪諗住用水洗下佢囉，點知啲水竟然變到又紅又橙咁嘅色？！

​嘩，睇見啲水變到咁真係嚇到毛毛個心都離一離！啲水上面仲好似有層雜質咁?......唔止呀，聽阿auntie講，連裝桔嗰個白色膠袋都染到變晒色呀陰公......

事後阿auntie就去返個檔口問老闆點解洗完桔仔啲水會變晒色啦，點知老闆就話係因為打咗蠟，仲話好多人都會幫啲桔打蠟，唔使擔心喎......係，幫啲桔打蠟係好平常嘅事，但未試過會洗到啲水變埋色喎......

btw，以毛毛9估，呢啲色素應該都係延年益壽啲fd嚟啫，冇事嘅！！！

封面圖片來源及資料來源：華商報、華商網