而家啲廢青連一個住新界、一個住港島都可以叫Long D，話距離太遠太辛苦囉，佢哋學咩人拍拖呀？真正嘅Long D應該係一個印度一個瑞典，而你窮到賣晒全身家當都淨係買到架二手單車，你都決定去搵個女仔呀！

呢段最強Long D之所以上到神台，唔止因為男女主角隔咗成6400公里，佢仲發生喺40年前，寄封信都又慢又貴，Long D？咪玩啦！

唔止咁！最最最緊要嘅係，男主角係個窮藝術家，靠靚畫成功追到有皇室血統嘅女主角，簡直係近代版羅密歐與茱莉葉囉！

佢傻到唔理身份同地域差距，竟然踩住架爛單車橫跨8個國家去瑞典，就咁喺嗰度開始藝術生涯，又真係畀佢做到出哂名，仲做埋瑞典政府嘅藝術顧問喎！

過咗40年喇，呢段戲劇化過電影嘅愛情故事，終於有人話要拎嚟拍電影喇！毛毛雖然睇唔透仲有咩可以改編，但人哋隔咁遠Long D都成功，話唔定睇完之後，毛毛會成功同女神隔住個mon Long D呢！

封面圖片及資料來源：satyaroland/facebook