（識唱嘅朋友一齊唱）再見了我的寵愛～誰願接受這種意外～如果屋企隻主子有一日唔見咗，做貓奴嘅都唔知點算呀……毛毛真係諗都唔敢諗！

話說美國有個供奉咗2位主子嘅網民9個月前唔見咗貓貓妹妹，梗係傷心到爆啦。睇下妹妹個樣又靚女又乖乖，毛毛見到都想攬下佢呀。

點知過多個月，連哥哥都突然唔見埋！死啦唔通有偷貓賊捉走咗2隻喵星人去？！

當呢個網民灰9到爆，諗住冇得再見返2隻貓貓嘅時候，奇蹟就出現喇！失蹤咗8個月嘅貓哥哥返咗屋企喇，佢仲要帶埋走失咗嘅妹妹?！睇佢成隻污糟貓咁，一定係幾經辛苦上山下海咁去搵妹妹喇，毛毛諗到佢點樣大長征，就好感動喇……嗚哇。

上天呀，毛毛都好似有個女朋友唔見咗呀，仲一失蹤就失咗廿幾年……毛毛搵得好苦喇，有冇人可以幫毛毛手搵下呀嗚嗚嗚。

封面圖片、資料來源：Waterleakx/reddit