記唔記得呢，之前日本有個著住熊本熊Tee嘅火爆老竇，因為唔想阿仔沉迷玩PS4，所以拎起個大鎚仔，轟到部PS4變碎片，大家笑住食晒花生，阿仔就喊出嚟。

雖然機死不能復生，但阿仔忍負重辱重到今日終於絕地反擊，拎住同一樣嘅大鎚仔，實行報復大計！

兩個人行去車房準備action！

原來阿仔要扑碎嘅係老竇嘅電單車。

大力啲。

再大力啲。

成架碎晒，乜仇都報晒，阿仔開心到呢⋯⋯

但開心咗一陣之後，熊本熊老竇再一次爆Seed，追打佢哋兩個。

笑咩呀笑？毛毛覺得呢個係一個感人嘅故事，老竇唔想阿仔沉迷打機，阿仔唔想老竇楂電單車咁危險，真係父慈子孝，你睇大家幾肉緊對方？男人嘅愛，咪就係咁表達囉！鳴鳴⋯⋯去片⋯⋯⋯