毛毛唔毒喺屋企嘅時候，都會去行山睇下撞唔撞到發哥㗎，但最多都係撞到啲行山友行住播歌咋！唔知係咪台灣嘅山特別有仙氣啦，竟然吸引到韓星都去行埋一份？

話說呢位冇面見人嘅台灣網友就post咗呢張相上網曬命，（嗱，唔係毛毛幫佢遮㗎，係佢自己遮住自己咋，可能佢都知張相嘅重點唔係自己，而係隔離位靚女啦！）話自己好唔要面咁強行同個靚女合照喎～佢post咗出嚟之後，其他網民就認得出佢係嗰套唔知乜擁抱月亮的太陽入面扮都min樽C阿妹嘅南寶拉呀！

唔L係啩，同著個韓星影相都唔知，不過由古裝變返現代人又真係難認啲嘅，毛毛都係睇留言先認到咋（所以幾時都話識睇一定睇留言）！嗰啲一眼認出要南寶拉嘅網民，唔通有日對夜對佢……啲相？唔止咁，佢哋仲去埋人哋艾豬查證，發現寶拉真係喺嗰段時間去過台灣 ，嗰個冇面見人嘅男網友野生捕獲到嘅真係南寶啦呀！

嗚嘩，這些機會……唔怪得個男網友要遮住自己個樣啦，咁都集到韓星郵，仲要po上網曬命，唔驚畀人打鑊金嘅咩！

封面圖片、資料及圖片來源：PTT、imbc