雖然好多人鍾意飲咖啡,順便打卡影相扮文青~但計毛毛話齋,咖啡係繼咖喱之後第二危險生化武器!前日咋嘛,相都未影,件白色衫就多咗撻咖啡漬喇......
不過有個藝術家就完全唔驚咖啡漬,仲將佢變到好打耳!要將佢變得可愛啲,就首先畫啲熊貓嘅眼耳口鼻:
然後拎起咖啡杯,一嘢印落去!個杯漬好似啲水彩化開咗咁,將隻熊貓變到面圓圓呀!
除咗熊貓之外,老鼠都變到勁肥勁可愛~
仲有地球,對於畫個圓型都有難度嘅毛毛嚟講咁樣又幾方便喎。
由於藝術家都要食飯,所以呢啲圖已經變咗做明信片賣緊喇!不過啲咖啡漬係要自己加上去嘅,用乜易印印下又好似飲咖啡嗰陣咁,整污糟件衫呀?呢啲咁高風險嘅藝術,都係唔使預毛毛喇!
封面圖片來源:Jenn Perng/facebook
資料來源:Jenn Perng/facebook、metro