2016年03月01日 星期二
【堅．奧斯卡影帝】里安納度慶完功就漏低咗個獎？
第88屆奧斯卡金像獎就喺噚日圓滿結束咗啦，而毛毛同大家嘅男神，即係阿Leonardo唔識串呀，佢等咗咁多年、食咗咁多次白果，而家終於修成正果，憑住《復仇勇者》拎到奧斯卡影帝呢個獎喇！！！啪啪啪啪啪啪啪啪......
唔係講笑，一眾毛毛喺毛記電視城聽到主持人叫Leonardo唔識串個名嗰陣，真係忍唔住叫咗出嚟，因為實在太令人滾動喇！而頒獎典禮完結之後，男神當然第一時間拎個獎去刻返自己個大名啦～
刻完個名，男神就出席咗個after party～飲cocktail同食電子煙是理所當然吧！
不過喺佢走嘅時候，突然有個拎住男神個獎嘅uncle追佢追到上架車度，唔通男神咁大頭蝦，連個獎都唔記得拎走？
睇埋片：
btw，其實男神先至唔care個獎有冇漏低～對男神嚟講，最緊要都係大家關唔關心全球暖化等等嘅問題啫！
