一毛是處嘅毛毛早排為咗約女神去嘉年華，專登苦練拋圈圈，仲拋埋成份糧出嚟?，好彩最後都贏咗隻公仔送畀女神。

不過當毛毛以為拋圈圈只會圈住啲樽呀、公仔呀嘅時候，原來強國人一早已經突破思想嘅框框，道德嘅枷鎖（如果有），拎小動物嚟畀人拋圈圈喇！

呢個活體動物拋圈圈嘅遊戲玩法就咁嘅，只要啲圈圈拋中咗困住小動物嘅籠上面嚿石頭，就可以揀獎品㗎喇～

嗚哇，雖然唔係直接圈住啲小動物啫，但將佢哋困喺細過劏房嘅籠入面暴曬，仲要拎佢哋嚟牟利，真係好可恥呀！！！！

不過喺強國，人嘅生命都唔值錢啦，更何況係小動物呢，冇煮晒佢哋嚟食咪已經算係菩薩心腸（強國標準）囉！唉，希望佢哋可以來世不做強國動物啦！

封面圖片、資料及圖片來源：騰訊新聞、sohu