寵物小精靈陪咗毛毛咁多年，有個問題毛毛一直都諗唔明，就係到底啲寵物小精靈畀人收咗入精靈球之後會變成點樣樣呢？你知啦，啲小精靈雖然個名叫做小，但其實差唔多隻隻都牛咁大隻，點收到入個豆潤咁細嘅精靈球呀？

所以坊間盛傳啲小精靈其實係咁樣樣迫喺個球入面，仲慘過住劏房呀陰公。最近台灣就有個學生，為咗佢嗰個同毛毛一樣咁鍾意比卡超嘅室友整咗個便當！點解要整便當？因為佢太有自信，以為自己肯肯定會整到咁囉！

少年你太年輕了，乜你唔知現實永遠都係殘酷㗎咩？

不過咁又唔使灰心住嘅，樂觀啲睇，如果係整精靈球入面嘅比卡超嘅話，其實都似樣吖！仲有嗰兩條用粟米做嘅耳仔，目測嚟講都有99%似㗎！between，睇完上面張相之後，毛毛終於明白點解比卡超死都唔肯住喺精靈球入面喇……

封面圖片及資料來源：uko/PTT