正苦成日話，香港好繁榮，失業率好低，而家差唔多係人人有工開，但係點解毛毛仲成日喺facebook見到有人些牙有關露宿者、拾荒者嘅post嘅？

最近有位網民post咗幾張相，講咗兩個故仔。第一個故仔係關於一個清潔姨姨嘅。網民見到佢嘅時候，佢正喺垃圾桶執緊嘢食，同佢傾傾下先知道，原來姨姨每個月有$6000收入，但因為要交租同埋倒轉頭畀返錢個仔用，所以就得返好少錢，唯有咁樣做，希望可以慳返啲。

毛毛睇完第一個故仔已經好心悒，點知仲有另一個關於伯伯嘅故仔。呢個伯伯雖然住緊老人院，但係都一樣會出嚟執垃圾搵嘢食。毛毛都覺得好奇怪，但相信唔會有人係因為貪好玩所以執垃圾食嘅……唔知呢啲故仔，成日玩facebook嘅正苦膠官又睇唔睇到呢？

不過呢，中咗一億都唔夠錢買八分一間豪宅，有工開，都唔代表一定夠錢開飯呀，又好正常喎。喺呢個畸形社會，唔用返啲畸形諗法，點生存到。

封面圖片、資料來源：Kitty Wong 

延伸閱讀：

【街頭變櫥窗】深水埗暖心街店畀街友自己揀衫

【好人好事】熱心網友提大家：掉垃圾前可以做多一步！