2016年03月18日 星期五
【最神改圖】分咗手仲keep住個紋身做咩呀
分開簡單～抹去往事極難～分咗手，要清晒佢送畀你嘅禮物、一齊影嘅相、佢幫你揀嘅衫褲鞋襪呢啲身外物已經夠難㗎啦，如果係紋身呢啲身上物，都唔知點搞呀。
唉，毛毛一早教精過你哋，唔好紋女朋友個名㗎啦，呢個男仔唔聽教不特止，仲要係紋個樣！愛情果然會令人盲L咗呀下，好彩毛毛睇得透，唔會掂愛情呢味嘢啫。
不過，玩咁大，分咗手點算？就算激光洗咗去都仲係會有啲印㗎喎？呢位哥仔就醒喇，一不做二不休，狠狠咁嚟個神改圖！將女友個頭改做骷髏頭咪唔使煩囉，仲幾型仔?！呀，之不過，如果第日又復合返咁點先……
呢位紋身師技巧咁高超，藥箱都可以畫到變首飾箱，唔知又可唔可以幫幫呢個紋咗隻「鳩」字上頸嘅霸氣哥呢？
封面圖片、資料來源：●【爆廢公社】●
＜紋身故事系列＞
