毛毛由細到大都冇乜朋友，不過好在有一堆公仔陪毛毛，聽毛毛講心事……毛毛啲公仔攬咗廿幾年，殘殘舊舊就梗㗎喇，不過毛毛都唔捨得掉咗佢哋嘅，但睇住佢哋一日殘過一日，真係痛都心埋！如果香港都好似日本咁公仔醫院咪好囉！

呢間大阪嘅公仔醫院會有專業嘅程至尾醫生為唔舒服嘅公仔提供全身檢查，擺低心肝寶具公仔喺度，就可以放心晒啦！

公仔晚晚都陪住你瞓，驚佢瞓唔慣生保床，又怕佢悶呀？No worry喎，醫院會搵埋其他公仔去探病，陪你個寶貝傾偈偈㗎！

醫生幫公仔睇完病，即係縫縫補補縫補補之後呀，公仔就可以靚靚咁出院返屋企喇！猶如沉沉大病一場，痊癒了面相更閃亮，舊身體不理想，升級版我已換上呀yeah！

咁都唔止呀，出咗院，都要食藥調理下身子㗎嘛，醫院會畀埋藥丸（即係糖呀）公仔食㗎！另外又有埋舊棉花同紀念DVD，日本公仔都可以有超高級一條龍服務，但香港人就等個急症都24個鐘……唉，做公仔好過做人呀，好似係。

封面圖片、資料來源： anzu125/twitter

延伸閱讀：【五星級服務】服侍埋你漏低隻公仔又點話？