呢個世界，邊有男人唔鍾意車吖，毛毛都鍾意㗎，尤其係開篷車呀！全街都望到自己車住女神兜風都唔知幾威威呀！只可惜，呢一切都只係FF......哪有錢，哪有囡，你老＿……睇嚟毛毛都要向強國呢位人兄學習下喇，事關佢竟然可以DIY部開篷車出嚟？

未見過呢款車？所以話你真係未見過大蛇屙尿，架車係呢個強國人自己搵咗架廢鐵返嚟，強行劏開個車頂整㗎！嗱話咁易就變咗架開篷車出嚟喇，睇嚟呢個世界上真係冇嘢會難到強國人呀下。

有新車喎，就算啲零件飛晒出嚟又點啫，梗係即刻揸出街威威最實際啦！之不過話口未完，呢個濕滑嘅司機就畀強國公安拉咗喇，架車仲因為係改裝車而畀人沒收埋……唉，肯肯定係佢哋唔抵得囉！

毛毛以為強國土豪多啫，點知原來佢哋都有咁節儉嘅一面，寧願自己去劏車都唔買架新，仲真係夠膽死揸出街，實在太令人敬佩喇！請受毛毛一拜呀喂！

圖片來源、資料來源：齊魯網