毛毛雖然只係一個毒L，但對於食嚟講，我都有一種執著㗎！就係……執著於唔食青囉……可能我同佢哋氣場唔啱啦，毛毛真係覺得啲青好臭。嗱唔係得毛毛一個咁諗㗎，台灣有個網友都同毛毛一樣好憎食青，仲將走青呢個咁有意義嘅問題擴展到去實用層面上呀！

是咁的，話說呢位網友已經厭倦每次落單都要講明走青嘅生活，有時候仲要可能講完個廚師都係畀成碗青你食，真係諗起都想嘔……於是佢就專登發明咗呢樣嘢出嚟喇！

冇錯，係印章呀！一嘢印落張單度，雞乸咁大隻字盲嘅都睇到喇啩？毛毛都好想買返個呀，睇下邊個仲敢畀青我！！

之後再買埋呢件日本仔設計嘅衫，毛毛我仲唔係天下無敵？哈哈哈……不過毛毛唔記得咗，有一種青，我可能呢世都走唔到……

圖片來源、資料來源：jk558644869/PTT 、skiyaki goods