2016年04月17日 星期日
【天真的蜥蜴】一啖咬落個圖案度仲以為有橙食
話說從前有條蜥蜴仔，佢有四隻腳加一條尾，不過呢個都唔係重點，重點係佢望住個碟好耐...好耐......耐到有超過一秒以上。
可能你哋會以為佢諗緊點解個碟上面冇嘢食，不過毛毛可以好肯定咁同你哋講，唔係！因為蜥蜴仔突然嘴張開，一啖噬咗落去隻碟個橙圖案度......
原來佢以為個橙係真......
蜥蜴仔心諗：曾經，有一份好真實嘅食物擺喺我面前，但我冇好好咁去珍惜，等到失去嘅時候先至後悔莫及，人世間最痛苦嘅事情莫過於此。
btw，蜥蜴仔你又唔使咁灰鳩嘅，因為你不是一個窿，最近有隻貓貓夠喪咬個三文魚扒咕?以為自己有魚食咯。
封面圖片來源：merc_kaede17／twitter
