細細個毛毛上數學堂唔係悶到抽筋就係上堂發夢，再唔係就做緊下一堂嘅功課，如果毛毛細細個就聽過呢首歌，會考mad屎都唔使肥佬呀！

唔好睇少呢隻舞呀！老師有好畀心機咁畫埋動作計設圖㗎～ 成件事原來籌備咗成兩年喇！

唔知點解見到呢啲火柴人，有種講唔出嘅親切感～ 睇得出呢個老師對班同學仔真係好有心呀！

同學仔笑到反晒肚咁，做觀眾嘅老師同同學仔都笑得咁開心，呢啲畫面喺學校見到真係好難得！見到啲學生返學返得咁開心，毛毛喺office都覺得好安慰呀。

負責呢次活動嘅老師叫做梁Sir，又諗埋歌仔畀同學記數式，又咁大製作整條片同同學仔一齊玩，梁Sir真係好有心。又令學生學到嘢又令佢哋覺得開心，做老師應該係咁至係㗎嘛。

如果成個香港嘅教育環境都可以咁歡樂，學生唔使日日淨係苦口苦面咁操卷咁就好喇。btw, 由今朝早開始，好多條毛毛都喺度跳緊SAS舞，應該會從今以後成為雙子塔嘅早操舞呀～

來源：Glacier C Kwong、MCKLN Secrets