講起釣魚，毛毛都好叻㗎……返緊工嗰陣囉，不過都唔夠呢個日本仔叻，佢竟然可以喺香港啲渠度釣到條咁L大條嘅魚喎！

你哋冇睇錯、毛毛冇講錯，呢條魚真係喺香港釣㗎，仲大條過毛毛呀！不過佢就冇講條魚喺邊度釣，淨係話係喺一個距離旺角站30分鐘路程嘅地方咋！

估唔到香港都有呢啲地方，仲要收收埋埋咁大條魚，吖～唔知條魚平時係食咩大嘅呢？

btw，釣到咁大條魚當然唔好晒啦，即刻拎返去酒店整返個渠魚料理先！

咁大條魚點整好呢？蒲燒渠魚好唔好呀？

睇落好似幾好食咁，唔知食落去係咪好有鮮味嘅呢？毛毛都好想試下！

Er……睇佢食到咁嘅樣，都係當毛毛冇講過啦！嗱，蒲燒唔得，油炸應該ok喇啩！似乎佢攝取咗蒲燒嘅教訓，今次佢都落多咗功夫去醃啲魚肉！首先就用牛奶浸浸先，然後就再用清酒醃醃，最後剁碎再加返啲薑蓉辟味，先拎去炸！

搞咁多嘢，今次應該好食喇啩......

睇嚟煮極都係臭，條魚嘅肉應該係原罪，冇！得！救！唉，希望個日本仔食完之後冇咩事啦……又btw，其實個日本仔嚟到香港仲有玩其他嘢嘅，不過因為毛毛嘅日文只係去到二菇二菇嘅水平，所以其他精彩嘅花絮就要你哋自己去睇喇！毛毛打完篇文又要去釣魚喇，bye！

封面圖片、資料及圖片來源：monstersproshop